RamsayMedia :: wiel

		English? WIEL is in die benybare posisie om die enigste Afrikaanse motor-handelsmerk in die plaaslike mediabedryf te wees. Dit het oor die afgelope drie dekades van ’n motortydskrif tot ’n dinamiese bron van motorverwante inligting oor ’n wye reeks aanbiedings ontwikkel. Bo en behalwe die tydskrif kry lesers ook toegang tot motornuus, padtoetse en veel meer op die tydskrif se webtuiste, www.wiel.co.za, terwyl daar met ander WIEL-vriende op Facebook kontak gemaak kan word. MXit gaan binnekort ook by ons sosiale media-aanbiedings aansluit en ’n mobi-tuiste is ook besig om vorm te vat. Die verskeie aanbiedings dupliseer nie inhoud nie, maar vul mekaar aan.

With more than three decades in publishing and as the only mainstream Afrikaans motoring offering in South Africa, WIEL offers clients an opportunity to showcase their brands to a niche, affluent audience in their own language. It delivers has an audience of close to 100 000 readers a month and more than 2 000 unique website users a week, the majority of whom have a tertiary qualification and high disposable income.

EDITORIAL: Email wiel@ramsaymedia.co.za, Tel 021 530-3311 ADVERTISING: Email adsales@ramsaymedia.co.za, Tel 011 783-7030

The RamsayMedia automotive wheel Advertising rates (Body of Journal) Deadlines and specifications Buyer's Guide rates and deadlines Multi-media solutions Credit application Terms & Conditions

WIEL het sy ontstaan in 1978 gehad aanvanklik as voertuig vir motorsport-media (op daardie stadium is in ander media weinig aandag aan motorsport as genre gegee), maar dit het gou ontwikkel as gerespekteerde mondstuk op die onderwerpe van nuwemotor-nuus, padtoetse, algemene motor-verwante onderwerpe en natuurlik motorsport. Oor die jare is weinig aan die resep verander en bly WIEL getrou aan hierdie tradisie deur nuus oor ’n wye spektrum onderwerpe te dek – wat vandag insluit ’n hoogs tegniese aanbieding van padtoetse en ry-indrukke, suiwer tegniese artikels, motorfietse en die buitelewe. Etlike bylaes wat spesifieke onderwerpe aanspreek verskyn met gereelde tussenposes deur die kalenderjaar.

WIEL se inhoud-verskeidenheid vind aansluiting by motorliefhebbers en -gebruikers van alle tipes – diegene wat dit as verbruikgids en verwysingsbron gebruik vir die jongste model-aanbiedings en pryse in die mark, diegene wat op hoogte wil bly van die jongste tendense en tegnologie, en dié wat bloot hul liefde vir motors en motorry tussen die bladsye wil uitleef. Die tydskrif se sekondêre leuse is “Bly by!”

Groot klem word op fotografie en die algemene aanbieding van die tydskrif gelê om daarvan nie net ’n verbruikersgids te maak nie, maar ook ’n produk wat vir sy visuele trefkrag waardeer word.

WIEL is steeds die enigste Afrikaanse motortydskrif en bedien nie net die nege provinsies van Suid-Afrika nie, maar ook buurlande soos Namibië waar Afrikaans die omgangstaal van ’n groot deel van die bevolking is.


		’n Gedeelte van die gedrukte inhoud wat in WIEL verskyn, is ook by www.wiel.co.za beskikbaar, waaronder aflaaibare padtoetse en ander tegniese inligting in pdf-formaat. Nuusbrokkies en blogs word daagliks bygewerk, terwyl inhoud uniek aan internet-gebruik groot aanklank vind: aflaaibare foto’s, skermskutte en skermagtergronde van eksotiese en begeerlike wiele, motorfietsnuus en aktuele artikels, video’s en skakels na vervaardigers. Die webtuiste bied terselfdertyd ’n plek vir WIEL-lesers en -gebruikers om interaktief met mekaar te verkeer.


		’n Weeklikse nuusbrief met die week se web-hoogtepunte en inligting oor die jongste uitgawe, video’s en foto’s word aan geregistreerde gebruikers uitgestuur. Om hierdie webletter te ontvang, teken hier in: kliek hier.